Boqiy va hamisha navqiron Samarqand shahriga sayohat!

#Oʻzbekiston_boʻylab_sayohat_qil

Joriy yilning 22-mart kuni Oʻzbekiston davlat jismoniy tarbiya va sport universiteti Kasaba uyushmasi qo'mitasi tomonidan ichki turizmni rivojlantirish maqsadida “Oʻzbekiston boʻylab sayohat qil!” shiori ostida universitet xotin-qizlari uchun Samarqand shahriga sayohat uyushtirildi. 

Sayohat davomida oliygoh jamoasi shaharning diqqatga sazovor joylari, tarixiy obidalari, jumladan, Shohi Zinda meʼmoriy yodgorligi, Goʻri Amir maqbarasi, betakror Registon maydoni hamda koʻp yillik tarixni oʻzida aks ettiruvchi osori-atiqalar, koʻhna va qadim shaharning yanada goʻzal va maftunkor manzilgohlari, madrasa va zamonaviy majmualari bilan yaqindan tanishdi.

Bir soʻz bilan aytganda, sayohat universitet jamoasida shonli tariximizga nisbatan yanada kuchli hurmat-ehtirom, buyuk ajdodlarimiz tomonidan yaratilgan betakror tarixiy obidalar, hamda yangi davrdagi ulkan bunyodkorliklar haqida olam-olam yangi taassurot bilan esda qoladigan bo‘ldi.