Dzyudo sport turidagi yangi qonun-qoidalar bo‘yicha ilmiy seminar tashkil etildi

#seminar #dzyudo

Bugun O‘zbekiston davlat jismoniy tarbiya va sport universiteti Dzyudo nazariyasi va uslubiyati kafedrasi tashabbusi bilan ushbu yo‘nalish talabalari uchun O'zbekiston dzyudo federatsiyasi shef referesi Bahodir Uzoqbergenov ishtirokida ilmiy seminar tashkil etildi.

Seminar davomida mutaxassis tomonidan bugungi kunda dzyudo sport turidan bo‘lib o‘tayotgan mahalliy va xalqaro musobaqalarda sportchilarimiz ishtiroki shuningdek, ushbu sport turiga kiritilgan yangi qonun-qoidalar hamda o‘zgarishlar haqida tegishli ma’lumotlar berildi.

savol-javob va qizg‘in munozaralar bilan o‘tgan seminar yakunida seminar mehmoni Bahodir Uzoqbergenovga  Dzyudo, karate nazariyasi va uslubiyati kafedrasi mudiri Shuhrat Arslanov tomonidan universitet jamoasi va talabalar nomidan tashakkur bildirdi.

O‘tkazilgan ushbu seminar talabalarning sohadagi bilimlarini yanada boyitishga hissa qo‘shgani bilan ahamiyatli bo‘ldi.