Universitet kafedralariga biriktirilgan mahalla yoshlari bilan uchrashuvlar mazmunli oʻtmoqda

#universitet_hayotidan

2024-yil 16-mart kuni Oʻzbekiston davlat jismoniy tarbiya va sport universiteti Boks, kikboks, muaytay nazariyasi va uslubiyati kafedrasi masʼullari Toshkent viloyatining Yuqori Chirchiq tumanida joylashgan 17-umumiy oʻrta taʼlim maktabida boʻlib, u yerda maktab jamoasi va oʻquvchilari bilan uchrashuv tashkil qilindi.

Uchrashuv koʻtarinki ruhda oʻtib, unda kafedra masʼullari tomonidan maktab oʻquvchilariga oliygohda  sportga qaratilgan eʼtibor, talabalar uchun yaratilgan shart-sharoit, universitetning mashhur sportchilari va ular erishayotgan yutuqlar toʻgʻrisida batafsil maʼlumot berildi.

Tadbir soʻngida shaxmat hamda stol tennisi boʻyicha oʻquvchilar oʻrtasida musobaqa tashkil qilinib, sovrindorlarga diplom va esdalik sovgʻalari topshirildi.