OʻzDJTSUda dzyudo boʻyicha Universitet ochiq birinchiligi tashkil etildi

#sport_musobaqasi

Bugun, 15-mart kuni universitetning kurash zalida Dzyudo, karate nazariyasi va uslubiyati kafedrasining DZYUDO sport turi boʻyicha Oʻzbekiston davlat jismoniy tarbiya va sport universiteti Ochiq birinchiligi musobaqasi boʻlib oʻtdi.

Unda oliygohdan shuningdek, Oʻzbekiston Milliy universiteti va yurtimizning nufuzli Alfraganus xususiy universitetidan jami 160 ga yaqin sportchi talabalar 60 kg, 66 kg, 73 kg, 81 kg hamda +81 kg vazn toifalari boʻyicha oʻzaro gʻoliblik uchun bahs olib borishdi.

Dastlab musobaqaning ochilish maromi oʻtkazilib, unda universitet prorektorlari, kafedra mudirlari, faxriy professor-oʻqituvchilar, murabbiylar, sport klubi mas'ullari ishtirok etib, musobaqa qatnashchilariga omad va zafarlar tilashdi.

Musobaqa gʻoliblari yakunda tashkilotchilar tomonidan diplom va medallar bilan taqdirlandi.