Gimnastika sport turlarini rivojlantirishni zamonaviy muammolari va istiqbollari

#xalqaro_ilmiy_anjuman

Bugun O‘zbekiston davlat jismoniy tarbiya va sport universitetida Gimnastika sport turlari nazariyasi va uslubiyati kafedrasi tomonidan “Gimnastika sport turlarini rivojlantirishni zamonaviy muammolari va istiqbollari” mavzusida Xalqaro ilmiy-amaliy anjuman o‘tkazildi.

Unda universitet prorektorlari, bo‘lim rahbarlari, kafedra mudirlari, professor-o‘qituvchilar, xorijdan jalb qilingan mutaxassislar, magistrantlar, talabalar hamda Turkiya, Ozarbayjon va Qirg‘iziston davlatlarining jismoniy tarbiya va sportga ixtisoslashgan oliygohlaridan vakillar ishtirok etishdi.

Anjuman davomida bir qator ishtirokchilar tomonidan sog‘lom turmush tarzida harakat faolligi va ommaviy sport, yuqori malakali hamda iqtidorli gimnastikachilarni tayyorlash muammolari, sog‘lig‘ida nuqsoni bo‘lgan shaxslar bilan adaptiv jismoniy tarbiya va sport mashg‘ulotlarini tashkil etish, shuningdek, sportda muvaffaqiyatga erishishning psixofiziologik shartlari kabi dolzarb mavzularda taqdimotlar qilindi.

Yakunda anjuman ishtirokchilar va xorijiy vakillar universitet bo‘ylab sayohat qilib, talabalar uchun yaratilgan sharoitlar hamda sport inshootlarini ko‘zdan kechirishdi.