Oliygohda tashkil etilyotgan tadbirlar qisqa satrlarda…

#universitet_hayotidan

Joriy yilning 13-mart kuni Oʻzbekiston davlat jismoniy tarbiya va sport universiteti 3-sonli talabalar turar joyida Sport huquqi, ijtimoiy va tabiiy-ilmiy fanlar kafedrasi hamda Milliy kurash turlari nazariyasi va uslubiyati kafedrasi  professor-oʻqituvchilari hamkorligida o‘tkazilgan davra suhbati davomida kafedra masʼullari talabalar uchun mamlakatimizda olib borilayotgan keng koʻlamli islohotlar, avvalo, inson manfaati, uning huquq va erkinliklarini taʼminlashga xizmat qilayotgani hamda 2022-2026-yillarga moʻljallangan Yangi Oʻzbekistonning taraqqiyot strategiyasidagi 74-maqsad, aynan, jamiyatda millatlararo totuvlik va dinlararo bagʻrikenglik muhitini mustahkamlash etib belgilanganligi haqida taqdimotlar qilishdi.

Shuningdek, tinchlik, totuvlik va bagʻrikenglikka qaratilgan umummilliy harakatlar hamda mazkur yoʻnalishdagi xalqaro sammit va yigʻilishlarda ilgari surilayotgan dolzarb takliflar toʻgʻrisida ham fikr-mulohazalar bildirildi.

Yakunda esa talaba-yoshlarga kafedra professor-oʻqituvchilari tomonidan badiiy adabiyotlar sovgʻa qilindi.