Talabalar bandligini ta'minlashga qaratilgan uchrashuvlar davom etmoqda...

#UNIVERSITET_HAYOTIDAN

Bugun, 18-aprel kuni Voleybol, basketbol nazariyasi va uslubiyati kafedrasi mas’ullari, talabalari hamda O‘zbekiston voleybol federatsiyasining Xalqaro aloqalar bo‘limi boshlig‘i, voleybol bo‘yicha yoshlar terma jamoasi bosh murabbiyi Axror Sobirov o‘rtasida uchrashuv bo‘lib o‘tdi.

Mazkur uchrashuv O‘zbekiston Respublikasi Prezidentining 2022-yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to‘g‘risida”gi qarorida belgilangan ustuvor vazifalar ijrosi yuzasidan tashkil etildi. 

Unda tegishli ta’lim yo‘nalishi, magistratura mutaxassisliklari bo‘yicha talabalarning bilim va o‘zlashtirish darajasiga qo‘yiladigan talablar, o‘quv reja va fan dasturlarini hamkorlikda takomillashtirish hamda bitiruvchi kurs talabalarini oʻz yoʻnalishi boʻyicha bandligini taʼminlash masalalari yuzasidan kerakli maʼlumotlar berildi.

Shuningdek, kafedra talabalari uchun federatsiya bosh kotibi Alimov Farxod tomonidan murabbiylik faoliyati bo‘yicha seminar-treninglar ham o‘tkazildi.