Oliygoh talabalari “Uch avlod uchrashuvi” tadbirida ishtirok etdilar

#xotira_va_qadrlash
#uch_avlod_uchrashuvi

Kecha, 30-aprel sanasida universitetning Og‘ir atletika, ot sporti, Milliy kurash turlari hamda va Murakkab-texnik sport turlari nazariyasi va uslubiyati kafedralari oʻqituvchilari, tyutorlar va talabalari Chirchiq shahrida joylashgan 71201 harbiy qismida 9-may-Xotira va qadrlash kuniga bag‘ishlab tashkil etilgan "Uch avlod uchrashuvi" tadbirida ishtirok etishdilar.

Uchrashuvda faxriylar oʻtgan ogʻir kunlarni xotirlab, Vatanimiz ozodligi uchun oʻz jonini fido qilgan vatandoshlarimiz, mard va jasur oʻgʻlonlarimiz jasorati haqida soʻzlab, mustaqillik davri yoshlariga yurtimizdagi tinchlik va farovonlikni qadrlash, uning yanada rivojlanishi yoʻlida tinmay mehnatda boʻlishlarini taʼkidladilar.

Shuningdek, tadbir dasturidan joy olgan kuy-qoʻshiqlar hamda harbiylarning koʻrgazmali chiqishlari talabalarda katta taassurot qoldirdi.