Toshkent viloyatidagi mavjud sport inshootlari holati ko‘zdan kechirilmoqda

Bugun O‘zbekiston Respublikasi Sport vaziri oʻrinbosari Shahrullo Mahmudov boshchiligidagi ishchi guruh hamda O‘zbekiston davlat jismoniy tarbiya va sport universiteti rektori Rashid Matkarimov Toshkent viloyati yakkakurash sport turlariga ixtisoslashgan sport maktabi va Chirchiq shahrida joylashgan Olimpiya va paralimpiya sport turlariga tayyorlash markazidagi mavjud shart-sharoitlar bilan tanishishdi.

Tanishuv davomida sport inshootlarining holati, inventarlar bilan taʼminlanganlik darajasi ko‘zdan kechirildi. Shuningdek, murabbiylar tomonidan olib borilayotgan mashgʻulotlar sifati to‘g‘risida mutaxassislar va sportchilarning fikrlari tinglanib, mas’ullarga tegishli tavsiya va ko‘rsatmalar berildi. 

Yakunda ishchi guruh va universitet rektori Olimpiya va paralimpiya sport turlariga tayyorlash markazida tashkil etilgan “Sumalak sayli”da ishtirok etishdi.