Indoneziyaning nufuzli universiteti bilan hamkorlik aloqalari o‘rnatildi

#xorij_safari

Xabaringiz bor, shu kunlarda O‘zbekiston davlat jismoniy tarbiya va sport universitetining Xalqaro hamkorlik bo‘yicha prorektori Jasur Zarifboyev boshchiligidagi oliygohimiz vakillarining xorij safari qizg‘in davom etmoqda.

Bugun, universitetimiz vakillari Indoneziya Respublikasining Yogyakarta milliy universitetiga tashrif buyurishdi. 

Tomonlar o‘rtasidagi uchrashuv O‘zbekiston Respublikasi davlat madhiyasi bilan boshlandi. Shundan so‘ng ikki universitet vakillari jismoniy tarbiya va sport sohasida ilmiy konferensiyalar tashkil etish, sport menejmenti va suv sport turlarini rivojlantirish, professor-o‘qituvchilar hamda talabalar almashinuvi dasturlarini amalga oshirish yuzasidan muhokamalar o‘tkazildi.

Yakunda istiqbolli rejalarga asosan O‘zbekiston davlat jismoniy tarbiya va sport universiteti hamda Yogyakarta milliy universiteti o‘rtasida hamkorlik memorandumi imzolandi.