🏆O‘zDJTSUda voleybol bo‘yicha Respublika hakamlik seminari o‘z yakuniga yetdi

#Voleybol_hakamlik_seminari

🏀2024-yil 4-7 aprel kunlari O‘zbekiston davlat jismoniy tarbiya va sport universitetida O‘zbekiston Voleybol federatsiyasi bilan hamkorlikda voleybol bo‘yicha Respublika hakamlik seminari bo‘lib o‘tdi.

✅Seminar davomida Qoraqalpog‘iston Respublikasi, viloyatlar va Toshkent shahridan ishtirok etgan 60 nafardan oshiq stajyor hakamlarga Voleybol federatsiyasining rasmiy hakamlari tomonidan Xalqaro voleybol federatsiyasi tomonidan tasdiqlangan sohadagi yangi qoidalar va innovatsion texnologiyalar qo‘llanilishiga bag‘ishlangan amaliy-nazariy darslar tashkil etildi. 

📆 Bugun, 7-aprel kuni ushbu seminar yopilish marosimida Universitet rektori Rashid Matkarimov, Voleybol federatsiyasi raisi o‘rinbosari Jamshid Fayziyev ishtirok etib, so‘nggi yillarda mamlakatimizda voleybol sport turini rivojlantirish, ommaviyligini oshirish, zaxira sportchilarni tayyorlab borish, yosh iqtidorli sportchilarni saralab borishda hakamlarning roli katta ekanligini e’tirof etib, ularning kelgusi ishlarida muvaffaqiyat tilashdi. Yakunda ishtirokchilarga sertifikat va boshqa sovg‘alar topshirildi.