Universitet O'zbekiston futbolchilari uyushmasi bilan hamkorlik qilmoqda

#hamkorlik

O‘zbekiston davlat jismoniy tarbiya va sport universiteti so‘nggi yillarda sohada malakali kadrlar yetishtirish hamda sport turlari bo‘yicha o‘tkaziladigan musobaqalarini samarali tashkil etish maqsadida qator tashkilotlar bilan hamkorlik aloqalarini yolga qo‘ymoqda.

Buning yorqin misolini universitetning Menejment va sport tadbirlarini tashkil etish kafedrasi mas’ullari hamda O'zbekiston futbolchilari uyushmasi vakillari o'rtasida imzolangan uzoq muddatli hamkorlik shartnomasida ko‘rishimiz mumkin.

Shartnomaga binoan tomonlar o‘rtasida kelajakda talabalar, magistrantlar va ilmiy tadqiqotchilar amaliyotini birgalikda tashkil qilish vazifalari belgilab olindi.