🥊Boks bo‘yicha taniqli sportchilar ishtirokida ilmiy tadqiqot olib borildi

#ilmiy_tadqiqot

Joriy yilning 7-may kuni universitetning Boks, kikboks, muay tay nazariyasi va uslubiyati kafedrasi professor-o‘qituvchilari Toshkent viloyati, Angren shahridagi "Yangiobod" o‘quv bazasida bo‘lib, mahoratli bokschilarimiz ishtirokida o‘tkazilayotgan o‘quv-yig‘in mashg‘ulotlarida ilmiy-tadqiqot ishlarini olib borishdi.

Tadqiqot jarayonida kafedra mas’ullari terma-jamoa murabbiylari Raxmatjon Roziohunov va kubalik mutaxassislar bilan hamkorlikda o‘quv-yig‘in mashg‘ulotlarida Olimpiya o‘yinlariga yo‘llanma olgan Xasanboy Do‘smatov, Abdumalik Xalakov, Ruslan Abdullayev, Asadxo‘ja Mo‘ydinxo‘jayev, To‘rabek Xabibullayev hamda professional boksda jahon chempioni Isroil Madrimovlarning funksional, psixofiziologik va maxsus ish qobiliyati tahlil qilindi.

Yakuniy natijalar asosida sportchilarga kerakli tavsiyalar berildi.