🏆Tog‘ chang‘isi: O‘zDJTSU talabasi Osiyo chempioni!

#talaba_yutuqlari

⛷Joriy yilning 9-10 mart kunlari Xitoyning Jilin shahridagi Beidaxu chang'i kurortida tog' chang'i sport turi bo'yicha o‘smirlar o‘rtasida XXXII Osiyo chempionati  bo'lib o'tdi. 

🌟Eng quvonarlisi, musobaqada O‘zbekiston davlat jismoniy tarbiya va sport universitetining tog' chang'i yo'nalishida tahsil olayotgan talabalari Medet Nazarov hamda Valeriya Kovalyovalar ham munosib ishtirok etib, yurtimiz bayrog‘ini yana bir bor yuksaklarda hilpirashiga o‘z hissalarini qo‘shishdi.

⚡️Xususan, Medet Nazarov chempionatning "Gigant-slalom" yo'nalishida faxrli 1-o'rinni egallab, Osiyo chempioniga aylandi va yurtimizga tog' chang'i sporti turi bo'yicha tarixdagi ilk 🥇oltin medalni taqdim etdi!

💐Universitet jamoasi Medetni mana shunday yuksak g‘alaba bilan samimiy qutlaydi!