Parij-2024: Sportchilar oilasining bokschi talabalari Olimpiyada yo‘llanmalarini naqd qilishdi!

#Parij_2024_sari

🥊2024-yil 3-11 mart kunlari Italiyada boks bo'yicha Parij-2024 Olimpiya oʻyinlari uchun yoʻllanma beruvchi 1-jahon kvalifikatsion turniri bo'lib o'tdi.

🌍Unda dunyoning 112 ta davlatidan 632 nafar bokschilar ringga koʻtarildi.  O‘zbekiston milliy terma jamoasi  sportchilari esa mazkur turnirda zafarli yurishlar qilib, Olimpiyada yo‘llanmalarini qo‘lga kiritishdi.

🌟Eng quvonarlisi, ularning safida O‘zbekiston davlat jismoniy tarbiya va sport universiteti talabalari -63,5 kg Ruslan Abdullayev, -80 kg To‘rabek Habibullayev hamda oliygohning sobiq talabasi -71 kg Asadxo‘ja Mo‘ydinxo‘jayevlar turnirning hal qiluvchi bahslarida o‘z raqiblarini yirik hisoblarda mag‘lub etib, Parij-2024 yozgi Olimpiya oʻyinlari yoʻllanmasiga ega boʻlishdi.

👏Sportchilarimizni g‘alaba bilan tabriklab, ularga Olimpiyada o‘yinlarida ham omad yor bo‘lishini tilab qolamiz!