Qilichboz yigitlarimiz ham sovrindorlar safida!

#talaba_yutuqlari

Joriy yilning 16-25 fevral kunlari Bahrayn poytaxti Manama shahrida qilichbozlik sport turidan Osiyo Chempionati o‘tkazildi.

Musobaqada O‘zbekiston davlat jismoniy tarbiya va sport universiteti talabalari Ahmadjon FAYZIEV, Muhammadyusuf SIDIKOV, Meyirkhan TIMUROV hamda Iskandar TURISHEVlar ham munosib ishtirok etib, yigitlarimiz shpaga yo‘nalishi bo‘yicha jamoaviy bahslarida bronza medalini qo‘lga kiritishdi. 

Qayd etish kerakki, sportchilarimiz chempionat davomida mohirlik bilan yarim finalga qadar raqib jamoalarini magʻlubiyatga uchratishdi. Biroq yarim finalda Qozog‘iston terma jamoasiga 37-36 hisobida imkoniyatni boy berishdi. 

Barcha murabbiylarimiz va qilichbozlarimizni qit’a miqyosidagi yirik turnirda erishgan natijalari bilan tabriklaymiz!