Para velosport: O‘zDJTSU talabasi tarixda ilk marta Jahon kubogida shohsupaga ko‘tarildi!

#talaba_yutuqlari

Ayni kunlarda Avstraliyaning Adelaida shahrida para velosportning shosse yo‘nalishi bo‘yicha Jahon kubogi 1-turi bo‘lib o‘tmoqda. 

Eng quvonarlisi, ushbu musobaqada O‘zbekiston davlat jismoniy tarbiya va sport universitetining Adaptiv jismoniy tarbiya va parasport kafedrasi talabasi Fotima Soipova ayollar o‘rtasida T1 klassi bahslarida kuchli uchlikdan joy oldi hamda bronza medaliga sazovor bo‘ldi.

Qayd etish lozimki, bu g‘alaba O‘zbekiston para velosporti tarixida Jahon kubogida qo‘lga kiritilgan birinchi medal hisoblanib, sportchi talabamiz mazkur natijasi bilan Parij-2024 yozgi Paralimpiya o‘yinlari yo‘llanmasi uchun muhim reyting ochkolariga ham ega bo‘ldi.

💐👏Fotima Soipovani erishgan yuksak g‘alabasi bilan tabriklaymiz!