Osiyo Kubogi-2023: Sportchilar oilasi talabalari Qatar maydonlarida to‘p suradi!

#iftixor

Xabaringiz bor, 2024-yil 12-yanvaridan 10-fevraligacha Qatarda ⚽️futbol bo‘yicha Osiyo Kubogi – 2023 musobaqasi bo‘lib o‘tadi va guruh bosqichi uchun tashlangan qur’a natijalariga ko‘ra – O‘zbekiston “B” guruhdan joy olib, Avstraliya, Suriya va Hindiston bilan o‘ynashi ma’lum bo‘lgan edi.

Srechko Katanes boshchiligidagi Oʻzbekiston milliy terma jamoasining Osiyo kubogi uchun yakuniy tarkibi e’lon qilindi.

Eng quvonarlisi, terma jamoa tarkibida O‘zbekiston davlat jismoniy tarbiya va sport universitetining futbol yo‘nalishida tahsil olayotgan Abbosbek fayzullayev, Diyor Xolmatov, Muhammadqodir Hamraliyev, Rustam Ashurmatov hamda Farruh Sayfiyev kabi sportchi talabalari ham yurtimiz sharafini munosib himoya qilish uchun Qatar maydonlarida to‘p suradilar.

O‘zbekiston milliy terma jamoasi sportchilariga oldinda kutilayotgan o‘yinlarning barchasida g‘alaba yor bo‘lishini tilab qolamiz!