O‘zDJTSU Nukus filiali talabasi “START4REGION” ilmiy g‘oyalar tanlovida g'olib bo'ldi! 

#filial_yangiliklari

Innovatsion rivojlanish agentligi tamonidan “Bo‘lajak olim” tanlovi doirasida “START4REGION” ilmiy g‘oyalar tanlovi tashkil etilib, unda Qoraqalpog‘istonlik 80 nafar iqtidorli yoshlar ishtirok etishdi.

Mazkur tanlov komissiyasining yakuniy xulosasiga asosan “START4REGION” ilmiy g‘oyalar tanlovida O‘zbekiston davlat jismoniy tarbiya va sport universiteti Nukus filiali qilichbozlik ta’lim yo‘nalishi 2-bosqich talabasi  Nafisa Urazbayeva o'zining “Fencing VR” loyhasi bilan g‘olib deb topildi.

Ma’lumot o‘rnida, “Fencing VR” loyihasining asosiy maqsadi, imkoniyati cheklangan yoshlarning qilichbozlik sport turi bilan shug'ullanishiga virtual ko'zoynaklar yordamida sharoit yaratishdan iboratdir.