🏆Universitet talabalari o‘rtasida Antikorrupsiya oyligi doirasida insho va rasmlar tanlovi o‘tkazildi

#antikorrupsiya_oyligi
#tanlov

📵Xabaringiz bor, universitetda 9-dekabr – Xalqaro korrupsiyaga qarshi kurashish kuniga bag‘ishlab 13-22 noyabr kunlari Antikorrupsiya oyligi e’lon qilinib, uning doirasida talaba-yoshlar o‘rtasida bir qator tanlovlarga start berilgan edi.

📝Shu munosabat bilan joriy yilning 21-22 noyabr kunlari universitet sportchi talabalari o‘rtasida “Korrupsiyasiz-hayot” mavzusida rasmlar hamda “Biz korrupsiyaga qarshimiz” mavzusida insholar tanlovi bo‘lib o‘tdi. Ijodiy jarayonlar universitetning Korrupsiyaga qarshi kurashish “Komplaens nazorat” tizimini boshqarish bo‘limi mas’ullari tomonidan kuzatib borildi.

✅Tanlovlarga ajratilgan vaqt davomida talaba-yoshlar korrupsiya tushunchasi va jamiyatda sodir etiladigan korrupsion holatlarning oqibatlari haqida o‘z fikrlarini bayon qilish bilan birga, ularni turli ko‘rinishlar orqali tasvirlashdi.

📌Eslatib o‘tamiz, tanlov g‘oliblari 9-dekabr – Xalqaro korrupsiyaga qarshi kurashish kuniga bag‘ishlab tashkil etiladigan tadbirda e’lon qilinadi hamda taqdirlanadi.