Biz talaba-yoshlar jinoyatchilik va huquqbuzarlikka qarshimiz!

Bugun O‘zbekiston davlat jismoniy tarbiya va sport universitetida Ko‘pkurash sport turlari fakulteti talabalari ishtirokida “Biz yoshlar jinoyatga va huquqbuzarlikka qarshimiz!” shiori ostida maʼnaviy-maʼrifiy tadbir bo‘lib o‘tdi.

Unda Chirchiq shahar prokurori adliya maslahatchisi U.Ablabekov, Chirchiq shahar davlat xavfsizlik xizmati bo‘lim boshlig‘i o‘rinbosari D.Faxriddinov, Chirchiq shahar IIBB 3-sonli bo‘lim boshlig‘i F.Turdiboyev, universitet Yoshlar masalalari va maʼnaviy maʼrifiy ishlar bo‘yicha birinchi prorektor Sh.Mirzanov, rektor maslahatchisi U.To'raqulov, fakultet masʼullari hamda professor-o‘qituvchilar qatnashdi.

Tadbir davomida soha mutaxassislari tomonidan Chirchiq shahrida yoshlar tomonidan sodir etilgan jinoyatlar tahlil qilinib, bu borada amalga oshirilgan chora-tadbirlar haqida maʼlumotlar berildi. Shuningdek, jinoiyi xatti-harakatlar oldini olish maqsadida masʼullar talaba-yoshlarni doimiy ogohlik va belgilangan tartib-qoidalarga qatʼiy amal qilishga chorlab qoldi.

Yakunda talaba-yoshlar o‘zlarini qiziqtirgan savollariga javob olishdi hamda universitet rahbariyati tomonidan tadbir mehmonlariga tashakkurnomalar topshirildi.