Yurt sog‘inchi ila yashagan buyuk shoh va shoir!

#Boburday

#540

Bugun 14-fevral — buyuk shoh va shoir, davlat arbobi va qomusiy olim Zahiriddin Muhammad Bobur tavalludiga 540 yil to‘ldi.

Hech kimga sir emaski, ushbu sana har yili yurtimiz bo‘ylab adabiyot va ilm-ma’rifat bayrami sifatida keng nishonlanadi.

Zahiriddin Muhammad Bobur Hindistonda 300 yildan ortiq hukmronlik qilgan “Boburiylar” sulolasiga asos soldi.

O‘rta asr Sharq madaniyati va adabiyotining yetuk namoyandasi hisoblangan Boburning adabiy merosida jahonga mashhur “Boburnoma” asarining alohida o‘rni bor. Unda Movarounnahr, Xuroson, Hindiston xalqlari tarixi, urf-odat va an’analari, tarixiy shaxslar, mamlakat tabiiy lavhalari aks ettirilgandir. Shu boisdan uni nafaqat adabiyotshunos, balki tarixshunos olim sifatida ham e’tirof etish joizdir.

Bir so‘z bilan Boburni san’at, adabiyotga mehr qo‘ygan va barpo etgan davlatini adolat bilan boshqargan buyuk hukmdor deyish mumkin.