Tibbiyot fakulteti

Oʻzbekiston davlat jismoniy tarbiya va sport universitetida tibbiyot fakulteti

Oʻzbekiston Respublikasi Prezidentining “2021/2022 oʻquv yilida Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari toʻgʻrisida” 2021-yil 22-iyundagi PQ–5157-son qarori bilan universitetda  2021-2022 oʻquv yilidan boshlab tibbiyot fakulteti tashkil etilib, tibbiyot yoʻnalishida ham kadrlar tayyorlash yoʻlga qoʻyildi. Davlatimiz rahbarining shu yil 19-mart kuni Toshkent viloyatiga tashrifi davomida tibbiyot yoʻnalishida kadrlar tayyorlash boʻyicha vazifalar belgilangan edi. Bunga sabab viloyatda oliy maʼlumotli tibbiyot mutaxassis kadrlariga boʻlgan talabning yuqoriligi edi. Oʻzbekiston davlat jismoniy tarbiya va sport universitetida oʻz faoliyatini boshlagan bu fakultet ana shu ehtiyojni qondirishda muhim  ahamiyatga ega. Endilikda universitetda bakalavriatning kunduzgi taʼlim shakli boʻyicha “Davolash ishi” taʼlim yoʻnalishida ham kadrlar tayyorlanadi.

Oʻzbekiston davlat jismoniy tarbiya va sport universitetida tibbiyot fakulteti ochildi.

Tantanali tadbirda Chirchiq shahar hokimi Sanjar Yusupov, universitet rektori, professor Maxmudjon Boltabayev, Toshkent viloyati Sogʻliqni saqlash boshqarmasi vakillari, universitet jamoasi va talabalar ishtirok etishdi. Tadbirni Chirchiq shahar hokimi S.Yusupov va universitet rektori, professor M.Boltabayevlar ochib berdi. Soʻzga chiqqan Chirchiq shahar hokimi S.Yusupov hamda universitet rektori M.Boltabayev “Davolash ishi”  yoʻnalishga qabul qilingan yigit-qizlarni talabalik baxtiga muyassar boʻlganliklari bilan tabrikladi va  kelgusida yetuk  shifokor boʻlishlari uchun  universitetda kerakli sharoitlar yaratilganligini  buning uchun esa faqat bilim olish va  izlanish lozimligini taʼkidlab oʻtdi. 2021-2022-oʻquv yilida “Davolash ishi” taʼlim yoʻnalishiga 100 nafar grand, 100 nafar toʻlov-shartnoma asosida jami 200 nafar talaba qabul qilindi.

“DAVOLASH ISHI” YOʻNALISHIGA QABUL QILINGAN 1 KURS TALABALARI QASAMIYOD QILISHDI.

Endilikda universitetda bakalavriatning kunduzgi taʼlim shakli boʻyicha “Davolash ishi” taʼlim yoʻnalishida ham kadrlar tayyorlanadi.

Tibbiyot fakulteti tarkibiga quyidagi kafedralar kiradi:
— -  “Anatomiya va fiziologiya ”kafedrasi;

—- “Sport tibbiyoti va bioximiya ”kafedrasi;

—- “ Ijtimoiy fanlar va huquq ”kafedrasi;

—- “Ozbek tili va adabiyoti” ,  “Xorijiy tillar”kafedrasi;

—- “ Tabiiy – ilmiy  fanlar” kafedrasi;

—- “ Gimnastika nazariyasi va uslubiyati” kafedrasi.

Fakultetda quyidagi  - 60910200 Davolash ishi  taʼlim yoʻnalishi

Dekan dotsent, tibbyot fanlari nomzodi

Sultanov Gofurjon Nematbekovich

Qabul kunlari: seshanba - juma: 14:00 - 17:00

telefon: +998 (90) 162-33-08

O'quv ishlari bo'yicha dekan muovini,  kаtta o'qituvchi

Sayraxmonov Xabibullo Ubaydullayevich

Qabul kunlari dushanba – payshanba: 14:00 - 17:00

telefon: + 998 (99) 887-04-30