O‘zDJTSU: xalqaro hamkorlar safi kengaymoqda!

Xabaringiz bor, joriy yilning 4 – 15 aprel kunlari O‘zbekiston davlat jismoniy tarbiya va sport universitetining Sportni boshqarish va turizm fakulteti dekani Azizxon Tillyaxodjayev malaka oshirish maqsadida  Chexiya Respublikasida  xizmat safarida bo‘lib qaytdi.

Safar davomida fakultet dekani Czech University of Life Sciences Prague hamda European institute of Applied Science and Management institutlari bilan xalqaro hamkorlik memorandumlari imzolanishiga erishdi. Ma’lumot uchun mazkur har ikkala oliygoh dunyoda top-1000 likka kirgan OTMlar hisoblanadi.

Undan tashqari, Chexiya Respublikasining Korlov hamda Turkiya davlatining Istanbul universitetlari bilan ham o‘zaro hamkorlik memorandumi imzolash,  xalqaro konferensiyalar o‘tkazish va innovatsion ta’lim texnologiyalari bo‘yicha professor-o‘qituvchilarning malakasini oshirish kabi istiqbolli rejalar kelishib olindi.

Xizmat safarining so‘nggi kunida universitet rektori M. Boltabayevga Xalqaro Ta’lim Akkreditatsiya Jamiyatining akademik a’zolik sertifikati, shuningdek, Azizxon Tillyaxodjayevga malaka oshirganlik to‘g‘risidagi sertifikatlar topshirildi.