Innovatsiya - yuqori ijtimoiy-iqtisodiy samaraga erishishni ta’minlay oladigan intellektual faoliyatdir

Joriy yilning 26-aprel kuni O‘zbekiston davlat jismoniy tarbiya va sport universitetida O‘zbekiston Respublikasi Innovatsion rivojlanish vazirligi bilan hamkorlikda “Ilmiy loyihalarni ishlab chiqish, rasmiylashtirish hamda tadqiqot ishlarini tashkil qilish” mavzusida ilmiy seminar bo‘lib o‘tdi.

Unda Toshkent viloyati Innovatsion rivojlanish hududiy boshqarmasi boshlig‘i Q.Yusupov, boshqarma yetakchi mutaxassisi S. Nazirov, O‘zDJTSU Ilmiy ishlar va innovatsiyalar bo‘yicha prorektor K. Boyazitov, universitet Ilmiy pedagog kadrlar tayyorlash va Xalqaro hamkorlik bo‘limlari rahbarlari, professor-o‘qituvchilar hamda yosh olimlar ishtirok etdi.

Seminar davomida Toshkent viloyatidagi oliy ta’lim muassasalaridagi yosh olimlarni innovatsiyaga jalb qilish, kelajagi porloq innovatsion loyihalarni moliyalashtirish borasidagi imtiyozlar, shuningdek, Innovatsion rivojlanish vazirligi bilan oliy ta’lim muassasalari o‘rtasida o‘zaro hamkorlikni yo‘lga qo‘yish kabi masalalarga alohida to‘xtalib o‘tildi.

Tadbir yakunida mutaxassislar universitet rahbar xodimlari va yosh olimlarni qiziqtirgan savollariga atroflicha javob berishdi.