Universitet yosh tadqiqotchilari: maqsadi aniq, orzulari ulkan yoshlar

Bugun O‘zbekiston davlat jismoniy tarbiya va sport universitetida Iqtidorli talabalarning ilmiy-tadqiqot faoliyatini tashkil etish bo‘limi tomonidan “O‘zbekistonda sportni rivojlantirishning zamonaviy muammolari va yechimlari” mavzusida anʼanaviy talabalarning ilmiy-amaliy anjumani bo‘lib o‘tdi.

Unda Ilmiy ishlar va innovatsiyalar bo‘yicha prorektor K. Bayazitov, Xalqaro hamkorlik bo‘limi rahbari Sh.Toshturdiyev, Ilmiy pedagog kadrlar tayyorlash bo‘limi rahbari A. Shopulatov, Iqtidorli talabalarning ilmi-tadqiqot faoliyatini tashkil etish bo‘limi rahbari Sh. Gaziyev hamda universitet professor-o‘qituvchilari va talabalar ishtirok etdi.

Anjuman davomida bir qator magistrantlar va bakalavr talabalar tomonidan sportni rivojlantirishdagi yangi innovatsion loyihalar, sportchilarning turli ekstremal sharoit va musobaqalardagi ko‘rsatkichlarini aniqlash hamda talaba-yoshlarni IT sohasiga yo‘naltirish kabi o‘ziga xos mavzularda taqdimotlar qilindi. Ular nafaqat o‘zbek, rus tillarida, balki ingliz tilida qilingani bilan ham professor-o‘qituvchilarning diqqat markazida bo‘ldi. Shuningdek, turli savollar asosida ishtirokchilar bilimi sinovdan o‘tkazildi.

Anjuman yakunida qilingan taqdimot ishlari yuzasidan fikr-mulohazalar bildirildi va ishtirokchilarga turli nominatsiyalar bo‘yicha diplomlar topshirildi.