Yoshlar, bandlik va ularga berilayotgan imkoniyatlar

Bugun universitet madaniyat saroyida talabalarning bandligini taʼminlash masalalari yuzasidan navbatdagi rektor va talaba-yoshlar uchrashuvi bo‘lib o‘tdi.

Uchrashuvda universitet rektori, professor M.Boltabayev, Paralimpiya fakulteti dekani S.Tajibayev, kafedra mudirlari, professor-o‘qituvchilar hamda fakultet talabalari qatnashdi.

Uchrashuvda rektor darsdan tashqari vaqtlarda talabalar bandligi va moddiy ehtiyojini taʼminlash bo‘yicha bir qancha imtiyozlar yaratilayotganligi hamda qator bo‘sh ish o‘rinlari bilan tanishtirib o‘tdi. Shuningdek, ishlovchi talabalarni ishdan kechikish holatlari bo‘lsa, talablar turar joyiga kirish-chiqish vaqtlari uzaytirilishi hamda tez orada universitet madaniyat saroyi binosida “Bandlik markazi” tashkil etilishi haqida maʼlumotlar berdi. Shu bilan birga, uchrashuv davomida rektor belgilangan talablar asosida har bir fakultet uchun umumiy formalar tashkil etish taklifini bildirdi. Bu taklif esa talabalar tomonidan iliq qarshi olindi.

Samimiy o‘tgan uchrashuv yakunida talabalar ham o‘zlarini qiziqtirgan turli masalalar bo‘yicha savol va fikr-mulohazalarini bildirib o‘tishdi.