Talimdagi shaxsiy manfaatdorlik – unga bo‘lgan ishonchsizlikdir!

Sport tibbiyoti va bioximiya kafedrasida “Korrupsiyaga qarshi kurashish Koplayns nazorat tizimini boshqarish bo‘limi” bilan hamkorlikda joriy yilning 25-fevral kuni universitetning manfaatlar to‘qnashuvini boshqarish to‘g‘risidagi nizom talablari xususida kafedra yig‘ilishi bo‘lib o‘tdi.

Yig‘ilishda O‘zDJTSU korrupsiyaga qarshi kurashish Koplayns nazorat tizimini boshqarish bo‘limi boshlig‘i S. Risboyev va kafedra o‘qituvchilari qatnashdi.

Unda universitetning manfaatlar to‘qnashuvini boshqarish to‘g‘risidagi nizom talablari to‘g‘risida, shaxsiy (bevosita yoki bilvosita) manfaatdorlik universitet xodimining mansab yoki xizmat majburiyatlarini lozim darajada bajarishiga ta’sir ko‘rsatishi, o‘zaro manfaatdorlik oqibatida universitetning huquqlari va qonuniy manfaatlari o‘rtasida qarama-qarshilik yuzaga kelishi mumkin bo‘lgan vaziyatlar hamda xodimning shaxsiy manfaatdorligi, ya’ni o‘z xizmat va majburiyatlarini bajarishi vaqtida pul mablag‘lari, moddiy yoki nomoddiy qimmatliklar, boshqa mol-mulk, boylik va imtiyozlar ko‘rinishida shaxsiy naf olish imkoniyatiga yo‘l qo‘ymaslik kabi fikrlar bildirildi va buning natijasida kelib chiqadigan salbiy oqibatlar haqida tushuntirib o‘tildi.