“Gandbol, regbi sportini rivojlantirish: muammo va kamchiliklar” mavzusida onlayn seminar o‘tkazildi

Bugun O‘zbekiston davlat jismoniy tarbiya va sport universiteti Gandbol, regbi nazariyasi va uslubiyati kafedrasi hamda Gandbol Federatsiyasi bilan birgalikda “Gandbol, regbi sportini rivojlantirish: muammo va kamchiliklar” mavzusida onlayn seminar o‘tkazildi.

Seminarda Gandbol Federatsiyasi bosh kotibi Ismoil Matxalikov, O‘zMU jismoniy tarbiya va sport kafedrasi mudiri, dotsent Temur Nabiyev, O‘zbekiston Erkaklar Milliy terma jamoasi bosh murabbiyi Ulug‘bek Ikromov, O‘zbekiston Ayollar Terma jamoasi bosh murabbiyi Zafar Azimov, Gandbol, regbi nazariyasi va uslubiyati kafedra mudiri Shuhrat To‘laganov va kafedra professor-o‘qituvchilari hamda  talabalar qatnashdi.

Bo‘lib o‘tgan seminarda bitiruvchi kurslarning ish bilan taʼminlanishi, malakali murabbiylarni tayyorlash tizimidagi kamchiliklar, shu qatorda gandbol, regbi sport turini yurtimizda rivojlanish jarayonlari, unda erishilgan yutuqlar va yuzaga kelayotgan muammolar to‘g‘risida fikrlar almashildi.