O‘zDJTSU professor-o‘qituvchilari Ommaviy sportni keng tatbiq etish mavzusida o‘tkazilgan o‘quv seminarda faol ishtirok etdi

2022 yil 29-30 yanvar kunlari Toshkent viloyati Bo‘stonliq tumanida “Ommaviy sportni rivojlantirish va sport tadbirlarini tashkil etish” mavzusida respublika o‘quv-amaliy seminari bo‘lib o‘tdi.

Seminar Turizm va sport vazirligi, Jismoniy tarbiya va sport universiteti, Volontyorlar uyushmasi hamda hududiy boshqarmalarda faoliyat olib borayotgan sport masalalari bo‘yicha o‘rinbosarlar, shuningdek, ommaviy sportni rivojlantirish, hududlarni ixtisoslashtirish va ommaviy tadbirlarni tashkil etish bo‘limi boshliqlari hamda mutaxassislari ishtirokida o‘tkazildi.

Mazkur seminarda universitetning “Sport tadbirlarini tashkil etish” kafedrasi professor-o‘qituvchilari sohada o‘z yechimini kutayotgan dolzarb mavzulardagi maʼruzalari bilan ishtirok etdi.