Talabalarning ota-onalari bilan uchrashuv o‘tkazildi

2021yil 4 dekabr kuni O‘zbekiston davlat jismoniy tarbiya va sport universitetining Ko‘pkurash sport turlari fakultetida tahsil  olayotgan talabalarning ota-onalari bilan uchrashuv o‘tkazildi.

Uchrashuvda 120 nafardan ortiq 1-, 2-bosqich talabalari va ularning ota-onalari ishtirok etdi.

Tadbirni  fakultet dekani O.J. Dadabayev kirish so‘zi bilan ochib berdi. O.Dadabayev o‘z nutqida ota-onalarga universitetda yaratilgan sharoitlar, o‘qitish sifatini yaxshilash uchun olib borilayotgan ishlar to‘g‘risida maʼlumot berdi.

Shuningdek universitetda tyutorlik lavozimi tashkil etilganligi va o‘qitish tizimida  joriy qilinayotgan yangiliklar haqida tushunchalar berildi. Talabalarning ota-onalari ham so‘zga chiqib, o‘zlarining fikrlarini bildirib o‘tdilar. Yig‘ilish yakunida ota-onalar  universitet muzeyi va talabalar  turar joyida yaratilgan sharoitlar bilan tanishishdi.

https://t.me/uzdjtsu_rasmiy