Koreyaning Woosuk universiteti bilan hamkorlik aloqalari o‘rnatildi.

 
🔷Universitetimizning Xalqaro hamkorlik bo‘yicha prorektori J.Zarifbayev va Og‘ir atletika, ot sporti nazariyasi va uslubiyati kafedrasi mudiri H.Hakimovdan iborat delegatsiya Janubiy Koreya davlatida xizmat safarida bo‘lib turibdi.

 
📍Safarning dastlabki kunlarida vakillarimizning Kyungdong universitetiga tashrifi haqida xabar bergan edik.

 
✅20-noyabr kuni delegatsiyamiz Koreyaning nufuzli universitetlaridan biri hisoblangan Woosuk universitetiga tashrif buyurdi hamda ikki universitet vakillari o‘rtasida ilmiy dastur va tadqiqotlarni rivojlantirish hamda ta'lim sifatini oshirish maqsadida ta'lim tizimlari, metodologiyalarini o‘rganish va joriy qilish yuzasidan ikki tomonlama hamkorlik faoliyatini yo‘lga qo‘yish borasida muloqotlar olib borildi. 

📌Yakunda  Woosuk universiteti rektori janob Park Ro Jun bilan ikki universitet o‘rtasida hamkorlik memorandumi imzolashga erishildi.