4-sentyabr – “Butunjahon taekvondo kuni!”

Bundan roppa-rosa 27 yil oldin, 1994-yil 4-sentyabrda Xalqaro Olimpiya qo‘mitasi Parijdagi sessiyasida Taekvondo WT sport turini rasman Olimpiada dasturiga qabul qilinganligini e’lon qildi.

2000-yili Avstraliyaning Sidney shahrida bo‘lgan Olimpiya o‘yinlarida esa ilk bor taekvondo musobaqa dasturiga kiritildi. 2006-yili Vyetnam poytaxti Xoshimin shahrida bo‘lib o‘tgan Bosh Assambleyada 4-sentyabr – "Butunjahon taekvondo kuni" deb e’lon qilindi. Shundan beri har yili shu sana taekvondo kuni sifatida keng nishonlanadi.

Bugun O‘zbekistonda 20 ming nafarga yaqin sportchi taekvondo bilan shug‘ullanib kelmoqda. Ko‘plab taekvondochilarimiz Osiyo va Jahon chempionatlarida g‘olib bo‘lishgan. Shu yili Tokio-2020 Olimpiya o‘yinlarida o‘zbekistonlik Ulug‘bek Rashitov oltin medalga sazovor bo‘ldi va yurtimiz taekvondosi tarixida yangi sahifa ochdi.

“Butunjahon taekvondo kuni” bilan yurtimizdagi barcha taekvondochilarni tabriklaymiz.