O‘zDJTSUning bir qator professor-o‘qituvchilari “Mustaqilligimizning 30 yilligi” esdalik nishoni bilan taqdirlanishdi

Yangi O‘zbekiston tarixidagi buyuk va shonli sana – Vatanimiz mustaqilligining o‘ttiz yillik bayramini xalqmiz katta shodu xurramlik bilan kutib olmoqda.

Mamlakatimizda yangi demokratik davlat, fuqarolik jamiyati barpo etish yo‘lida o‘tgan davrda amalga oshirilgan ulkan ishlar, erishilgan yuksak natijalarda, hech shubhasiz, hayotimizning turli soha va tarmoqlarida fidokorona mehnat qilayotgan yurtdoshlarimizning beqiyos hissasi bor.

Bunday olijanob insonlarning qatorida oliy taʼlim tizimida yosh avlodga taʼlim-tarbiya berish va ilm-fan ravnaqi yo‘lida samarali mehnat qilib kelayotgan bir qator professor-o‘qituvchilar «O‘zbekiston Respublikasi mustaqilligining 30 yilligi» esdalik nishoni bilan eʼtirof etildi.

Ular orasida O‘zbekiston davlat jismoniy tarbiya va sport universitetining O‘quv-uslubiy boshqarma boshlig‘i Eldor Raxmanov, Ijtimoiy fanlar va huquq kafedrasi mudiri Nurali Nazarov hamda Sport menejmenti va iqtisodiyot kafedrasi mudiri Komil Ziyadullayev “O‘zbekiston Respublikasi Mustaqilligining 30 yilligi” esdalik nishonini qabul qilib olishdi.

O‘zbekiston davlat jismoniy tarbiya va sport universiteti ilm-fan, yosh avlodga taʼlim-tarbiya berishda yaratib berilayotgan sharoitlar, ko‘rsatilayotgan yuksak eʼtibor va g‘amxo‘rligi uchun Prezidentimizga sport sohasidagi olimlar nomidan chuqur minnatdorchilik izhor qiladi.

https://t.me/uzdjtsu_rasmiy