O‘zDJTSUda xotin qizlar sport festivali o‘tkazildi

Bugun O‘zbekiston davlat jismoniy tarbiya va sport universitetida Toshkent viloyati prokurori kubogi uchun “Xotin qizlar sport festivali” o‘tkazildi.

Unda viloyatdagi korxona va tashkilotlarda faoliyat yuritayotgan faol xotin-qizlar qatnashdi.

Tadbir Toshkent viloyat hokimligi, viloyat prokuraturasi, Respublika xotin-qizlar jamoatchilik kengashi, O‘zbekiston kasaba uyushmalari Federatsiyasining Toshkent viloyati kengashi hamda O‘zbekiston davlat jismoniy tarbiya va sport universiteti hamkorligida tashkil qilindi.

Tadbirdan ko‘zlangan asosiy maqsad xotin-qizlarni jismoniy tarbiya bilan muntazam shug‘ullanishga jalb etish, ularning salomatligini mustahkamlash, har tomonlama jismoniy kamol topishiga ko‘maklashishdan iboratdir.

Festival yakunida g‘olib va sovrindorlarga tashkilotchilar tomonidan diplom hamda esdalik sovg‘alari topshirildi.

https://t.me/uzdjtsu_rasmiy